Iñaki Bilbao, Juan Sagastizabal eta Lourdes Vicente izan ziren atzo protagonista handiak, Kultur Leioako erakusketa aretoan ikusgai dagoen Bosteko 2012 erakusketaren inaugurazioan.

Erakusketa ibiltaria da BOSTEKO, euskal artista plastiko ezagunen lana zabaldu eta ezagutaraztea helburu duena. 1998. urtetik hona, hamabosgarren urtez jarraian, erakusketa hauek arte garaikidea hurbildu digute Bizkaiko Lurralde Historikoko zenbait udalerritara, udalerriotako kultura arduradunek koordinaturik egiten duten lanari esker.

Abenduan Bilbon V. edizioa egingo duen MENDI FILM FESTIVAL Mendiko Zinema Jaialdia Bizkaiko Leioara iritsi dira. Horrela, gaur eta asteazkenean, hilak 3, MENDI TOUR Kultur Leioa Auditoriumean finkatuko da, iazko lehiaketan parte hartu zuten film onenak aurkezteko asmoz.

Denboraldia hastear dagoen honetan, Kultur Leioak ez ditu ikuskizunen prezioak igoko, eta BEZaren igoerak eragindako garestitzea bere gain hartu du. Hori horrela, antzerkirako eta dantzarako sarrerek 5 eta 15 € bitartean balioko dute; kontzertuek 10 eta 20 € bitartean; familiari zuzenduriko egitarauak 4-5 € bitartean, eta zineak, 2tik 4 € bitartean. Gabonetako Arte Eszenikoetako erakusketarako bonua mantendu egiten da, eta “Musika arimarekin” ziklorako bonua, berriz, proposamen gastronomiko interesgarri batekin aberastuko da.