Otsailaren 28tik martxoaren 3ra Kultur Leioan burutuko den Kultur Maratilaren informazio osoa bidaltzen dizuegu, euskera eta kultura sustatuko dituen jaiaren inguruko informazioa alegia.

Kultur Maratila proposamen interesgarriz beteta dator aurten, protagonista nagusiak musika, antzerkia eta zirkua izanik. Kultur Leioak, Artedrama plataformarekin lankidetzan, oso-osorik euskaraz izango den programazioa eskainiko du otsailaren 28tik martxoaren 3ra.

Kultur Leioak datozen sei hilabeteetan eskainiko duen egitarau kulturala aurkeztu berri du. Egitarau askotarikoa eta kalitatezkoa izango da, estreinaldi eta antzezlan benetan azpimarragarriekin eta Estatuko nahiz nazioarteko artista garrantzitsuekin. Luxuzko egitaraua Leioako herritarrentzat eta inguruko herrietako biztanleentzat, izan ere, programazioa gero eta ezagunagoa eta estimatuagoa da.

Denboraldia hastear dagoen honetan, Kultur Leioak ez ditu ikuskizunen prezioak igoko, eta BEZaren igoerak eragindako garestitzea bere gain hartu du. Hori horrela, antzerkirako eta dantzarako sarrerek 5 eta 15 € bitartean balioko dute; kontzertuek 10 eta 20 € bitartean; familiari zuzenduriko egitarauak 4-5 € bitartean, eta zineak, 2tik 4 € bitartean. Gabonetako Arte Eszenikoetako erakusketarako bonua mantendu egiten da, eta “Musika arimarekin” ziklorako bonua, berriz, proposamen gastronomiko interesgarri batekin aberastuko da.