Erakusketa ibiltaria da BOSTEKO, euskal artista plastiko ezagunen lana zabaldu eta ezagutaraztea helburu duena. 1998. urtetik hona, hamabosgarren urtez jarraian, erakusketa hauek arte garaikidea hurbildu digute Bizkaiko Lurralde Historikoko zenbait udalerritara, udalerriotako kultura arduradunek koordinaturik egiten duten lanari esker.

Abenduan Bilbon V. edizioa egingo duen MENDI FILM FESTIVAL Mendiko Zinema Jaialdia Bizkaiko Leioara iritsi dira. Horrela, gaur eta asteazkenean, hilak 3, MENDI TOUR Kultur Leioa Auditoriumean finkatuko da, iazko lehiaketan parte hartu zuten film onenak aurkezteko asmoz.

Denboraldia hastear dagoen honetan, Kultur Leioak ez ditu ikuskizunen prezioak igoko, eta BEZaren igoerak eragindako garestitzea bere gain hartu du. Hori horrela, antzerkirako eta dantzarako sarrerek 5 eta 15 € bitartean balioko dute; kontzertuek 10 eta 20 € bitartean; familiari zuzenduriko egitarauak 4-5 € bitartean, eta zineak, 2tik 4 € bitartean. Gabonetako Arte Eszenikoetako erakusketarako bonua mantendu egiten da, eta “Musika arimarekin” ziklorako bonua, berriz, proposamen gastronomiko interesgarri batekin aberastuko da.

Atzo Ondizen ospatu zen Bizkaitar Erara prestaturiko Bakailao Txapelketaren 47. edizioak izugarrizko arrakasta izan zuen. Eguraldi ona lagun izanda hainbat pertsona hurbildu ziren Ondizera, guztira 44 kazola aurkeztuz.