Skatea, graffitia, breakdancea, hip-hopa, dj-ak… hiri-kulturak hitzordua izango du asteburu honetan, Leioako skateparkean. Ekitaldiak ostiral arratsaldean hasiko dira, 17:00etan, Leioa Skate Cul delakoarekin. Txapelketa, dj musika, sariak, opariak eta barbakoa bat izango dira lehenengo eguneko jardueretako batzuk, eta, gainera, skateak eta txapelak kustomizatzeko tailerra egingo da Aterpe Leioa Gaztegunean.

Aterpe Leioa Gazteguneak 14 eta 17 urte bitarteko gazteentzat (Leioan erroldatutakoak) antolatutako udalekuetan izena emateko epea ekainaren 11n (astelehena) irekiko da, eta ekainaren 15era arte egongo da zabalik. Programatutako jolas eta kirol jarduerak uztailaren 2etik 13ra bitartean egingo dira, eta euskaraz izango dira.

Ekainaren 14an, Leioako Gazte Orkestrak eman behar zuen kontzertua bertan behera geratu da. Sarrera erosi duten pertsonek, Kultur Leioako harreratik (0 solairuan) pasa daitezke beren dirua berreskuratzeko.

Kultur Leioak, Artedramarekin elkarlanean, euskarazko ekintza kulturalez betetako astea aurkezten digu gaurtik aurrera. Kultur Maratila izeneko programa honek antzerkia, dantza, bertsoak, musika, performantzea ekarriko digu euskara hutsean. Ekintza guztiak Kultur Leioako Auditoriumean izango dira, erakusketa gelan eta Anbiguan.