Aterpe Leioa Gazteguneak tailer, ikastaro eta lehiaketa eskaintza anitza prestatu du urtarrila-martxorako. Jarduerak 14 eta 35 urte arteko gazteei daude zuzenduta eta prezioak 10 eurotik aurrerakoak izango dira.
Perkutsio ikastaroa, euskal dantzak, lehen sorospen eta sukaldaritza ikastaroak izango dira Leioako gazteek nahiz bertan erroldatuta ez daudenek egin ahal izango dituzten jardueretako batzuk. Jarduera horiei guztiei Leihosex zerbitzua gehitu behar zaie.
Tailerretan izena emateko epea urtarrilaren 23tik otsailaren 3ra arte bitartekoa da, eta plazak inskripzio-hurrenkeraren arabera esleituko dira
Bestalde, gaztelekuak ere bere programazioa aurkeztu du urtearen lehen hiruhilabete honetarako. Drogomenpekotasun tailerra, mini-gynkana, sukaldaritza ikastaroa, neguko ping-pong lehiaketa, inauterietan makilaje tailerra eta txokolatada, eta berdintasun zein txapa tailerrak. Guztiak doakoak izango dira.
Iruzkindu