Euskarazko antzerki-sorkuntzari laguntzeko asmoz sortu da Zubi, konpainien eta programatzaileen lana bateratu eta bultzatzeko zubia. Luhusoko Harri Xuri Karrikako Arteen Fabrika (Lapurdi), Donazaharreko Herri Antzokia (Nafarroa Beherea), Durangoko San Agustin Kultur Gunea (Bizkaia), Leioako Kultur Leioa (Bizkaia), Zornotzako Ametx Zornotza Aretoa (Bizkaia), Elorrioko Arriola Aretoa (Bizkaia) eta Aulestiko Artedrama Euskal Laborategiaren (Bizkaia) eskutik jaio da proiektu hau, Euskal Antzerkiaren Sorkuntza Berriari Laguntzen lemapean.

Haizea Hormaetxea leioaztarra eta Lander Campos santurtziarra garaile atera ziren atzo Errekalde plazan ospatu zen Jota Txapelketaren XII.ediziotik. Bikotea aski ezaguna da Leioako txapelketa honetan, izan ere aurreko urteetan ere irabazle suertatu ziren.

San Juan jaiak hasteko egun gutxi falta direnean, azkentzen ari dira egitarauaren eta programatutako jardueren xehetasunak. Oraingoan, koadrilen jaitsieraren txanda da. Guztira hirurogeik hartuko dute parte, horietako askok karrozarekin. Jaitsieraren ordena zein den jakin nahi baduzu, honi erantsitako agirian ikus dezakezu.

Arrazoi teknikoak direla-eta, inguruko bide-argiak itzaliko dira, gutxi gora behera, ikuskizuna hasi baino 15 minutu lehenago. Itzalita egongo dira ikuskizuna amaitu arte, Bitartean, ez jausteko, bereziki adi ibili leku batetik bestera mugitzerako orduan.