“ArgiHizkiak” literatura-lehiaketako 12 argazki eta horietan oinarritutako euskarazko testu labur onenak biltzen dituen erakusketa gaurtik azaroaren 18ra bisitatu ahal izango da Aterpe Leioa Gaztegunean (Aldapabarrena, 2). Erakusketa bisitatzeko ordutegia: Astelehenetik ostiralera: 10:00-14:00/ 16:30-20:30; ostiral eta larunbatetan: 17:00-22:00 eta igandeetan: 17:00-20:30.

Manuel Rodríguezek bere “Limits” dantza ikuskizuna aurkeztuko du ostegun honetan, Kultur Leioan. Horrez gain, Manuel Rodríguezek dantza tailerra eskainiko du 11:00etatik 13:00etara, dantza garaikidean oinarrizko ezagutzak dituztenentzat.

Igande honetan (18:00 h) antzerki familiarra izango dugu, euskerazko Munduari itzulia antzezlanarekin, Gorakada euskal konpainiaren eskutik.

Bluenights izenekoak bueltan dauzkagu Leioan, nobedade askorekin eta arrakasta handiarekin, ostiral honetako Travellin’ Brothers eta Nico Wayne Toussainten kontzertuak izan duen harrera bikainak erakusten duen bezala. Sarreren salmenta da horren erakusle, denak amaitu dira, eta bat baino gehiago geratuko da kontzertura joan gabe eta joan nahirik.