KULTUR MARATILA
Lauka Teatroa (Euskadi)
¤ESTREINALDIA¤
Lauka Teatroa konpainia gaztea 2013an sortu bazen ere, beraien kideak aspaldidanik dabiltza euskal antzerkigintzan. ZUBI euskal antzerki sorkuntzarako laguntza 2014an jaso eta gero, lan egiteko molde berriak arakatzeko helburua dute. Jaio berriak bezala, lau hanka eta lau eskutara doaz urratsak emanez, bizitza esploratzeko grinaz eta kuriositatez.
Xabier Mendigurenen “Amodioaren ziegak” lana moldatu dute, gaurkotasunezko egoera bat kontatzen.
Aitor preso dago. Miren, bere bikotea, bisitan doakio. Aurrez aurreko bisita da: bis a bis-a. Konturatu gabe pasatzen da denbora, ziega honetan. Amodioa dute eginkizun. Baina gorroto dituen hark, gorroto duten hark, prestatu die hitzordua.
Noiz arte irauten du maitasunak? Zergatik besarkatzen dira maitaleak? Nola aldatzen dira ametsak barruan edo kanpoan zaudenean? Eta beldurrak?
Maitasunaren haririk hauskorrenak eta indartsuenak, agerian gelditzen dira amodioaren ziega honetan.
IDAZLEA: Xabier Mendiguren
ZUZENDARITZA: Lauka Teatroa
ZUZENDARI LAGUNTZAILEA: Ander Lipus
ANTZEZLEAK: Nazaret Froufe, Urki Muguruza, Joana Ocaña, Eneko Sagardoy
IRAUPENA: 65′.
HIZKUNTZA: Euskaraz.
» Non: Auditorium
» Eguna: Otsailaren 27an
» Ordutegia: 20:30ean
» Sarrera: 8 euro (Bono Maratila: 30 euro)
Iruzkindu