XIV. Umore Azoka-Leioako Kaleko Artisten Azokak, mundu osoko konpainiak bidalitako 300 proposamen jaso ditu datozen maiatzaren 16an, 17an, 18an eta 19an ospatuko den edizioan parte hartzeko asmoarekin. Jasotako eskakizun guztiak egun hauetan burutzen ari den aukeratze prozesuan aztertuko dira eta guztira berrogeita hamar inguru aukeratutako dituzte antolatzaileek behin betiko egitaraua osatzeko.

2012ko azaroaren 26tik 2013ko urtarrilaren 30a arte irekita egon den proposamen harrera epea itxi ondoren, aurtengo edizioko antolatzaileek aukeraketa prozesuan murgildu dira eta konpainia bakoitzari bidaliko materiala jaso dutela baieztatuko diote.

Aukeraketa prozesua 2013ko martxoaren 11 baino lehen amaituko da eta egun horretan esango zaie konpainiei euren ikuskizuna XIV. Umore Azokarako aukeratua izan den edo, alderantziz, atzera bota den.

Aurtengo egitarauak kaleko antzerkia, musika, zirkoa edo dantzetan oinarritutako 50 ikuskizun eskainiko ditu haur, familia osoa edo ikuslego helduarentzat.