Madrilen izandako arrakastaren ostean, Feelgood komedia (Alistair Beaton egilearena) Leioan izango da larunbat honetan, urriak 11 (20:30), Kultur Leioako Auditoriumean. Fran Perea eta Manuela Velasco dira antzezlan honen protagonistak, Ainhoa Santamaría, Jorge Uson, Javi Coll eta Javier Marquez lagun dituztela, Alberto Castrillo-Ferreren gidaritzapean.
Gerra Zibila eta Frankismoa garai latzak izan ziren leioaztar gehienentzat. Egun horietako gertakizunak eta protagonistak ezagutu nahi baduzu, hurreratu zaitez gaur, arratsaldeko 19:00etan Kultur Leioan izango den ekitaldira.
Datorren urriaren 9an, Kultur Leioan, “Leioa 1936-1945″ liburua aurkeztuko da eta erakusketa inauguratuko da. Ekitaldi hau kolofoia da Aranzadi Zientzia Elkarteak, gure udalerrian, guda zibilean eta lehen frankismoan zehar, gertatukoari buruz eginiko ikerketarako.
Kultur Leioako liburutegia irekita egongo da larunbata goizetan jai eguna ez bada, bihartik abenduaren 31ra arte, 10:00etik 13:00era bitartean.