Asteburu honetan, senitarteko txikitxoenek beraiei zuzendutako bi antzezlanekin gozatzeko aukera izango dute. Hauek, dibertigarriak izateaz gain, umeen zentsuak jorratzeko balioko dute. Egunean bi antzezlan burutuko dira:12:30tan eta 18:00tan, 4 euroko prezioarekin eta Kultur Leioako Ambiguan.

Suzette Moncrief ostiral honetan iritsiko da Kultur Leioara, bere ahots pertsonal, indartsu eta leunarekin ikus-entzuleak gozarazteko. Kontzertua Bluesjazz Zirkuituaren barruan dago, eta ikus-entzuleekiko erabateko lotura lortuko duen ikuskizuna bermatzen du.

Zure umea eta zu antzerkian esperientzia magikoa izatea nahi baduzu hurbildu zaitez azaroaren 19 eta 20an Kultur Leioara. Bertan 1 eta 3 urte bitarteko umeentzat zuzendutako “Lehen aldia” antzerki zikloaren laugarren edizioa izango da. Ziklo hau, orain dela lau urte jaio zen Kultur Leioaren eskutik, eta bere helburu nagusia zen umeak txikitatik antzerki mundura hurreratzea, eta gurasoen eskutik baldin bada hobe.

Facebook, Twiter, SMS, Wassup… komunikatzeko era bakarra direla ematen duen garai honetan, Leioak beste urte batez, eta dagoeneko hamahiru urte dira, Maitasun Gutunen Lehiaketa deitu du. Lehiaketa honekin, gogorarazi nahi da gutuna literatur generoa dela berez; era berean, sentimenduen komunikazioa sustatu nahi da eta genero honen aberastasuna berreskuratu nahi da.