Leioako Udalaren Kultura eta Gazteria ataletik, abian jarri da Leioako gazteen lonjen bizikidetza eta segurtasuna hobetzeko proiektua. Egitasmoaren xedea da espazio horiek erabiltzen dituztenen errealitatera hurbiltzea. Horretarako, udal zerbitzu ezberdinekin lan egingo dugu, baita helburu bezala gazteria duten eragileekin ere.

Aterpe Leioa Gazteguneak lan merkatuarekin zerikusia duten ikastaro berriak eskaini ditu; lehen sorospenak, kurrikuluma egiten ikasteko ikastaroa eta lan elkarrizketak prestatzeko ikastaroa, hain zuzen ere. Izena emateko epea atzo ireki zen eta otsailaren 3ra arte izango da zabalik.

Kultur Maratila proposamen interesgarriz beteta dator aurten, protagonista nagusiak musika, antzerkia eta zirkua izanik. Kultur Leioak, Artedrama plataformarekin lankidetzan, oso-osorik euskaraz izango den programazioa eskainiko du otsailaren 28tik martxoaren 3ra.

Juan Perro bihar, ostiralean, iritsiko da Kultur Leioara, “Casa en el aire” lanarekin, Joan Vinyals gitarra-jotzaile eta abeslariarekin lankidetzan. Gitarra akustiko eta ahotsen bikote honek kontzertu ausarta eskainiko du, artisten eta ikus-entzuleen arteko konplizitatearekin. Benetako topaketa musikal eta poetikoa.