Leioako udala
  • RSS Blog
  • Issuu
  • Flickr
  • Twitter
  • Facebook
  • Youtube

Kultur Leioan egiten diren jarduera guztien berri ematen du egunero. Utzi zure oharrak eta banatu zure gizarte-sareetan.

Umore Azokak badu kartelaRSS Blog

Umore Azoka

Hegan dator XII. Leioako Umore Azoka aurten. Maitagarri batek irudikatuko du kale arteeen azokak maiatzaren 19tik 22ra hirian eragingo duen transformazioa. Lau egunez kale arterik onenen antzoki bilakatuko dira kaleak. Ez da magia. Artista, espazio eta ordutegi hautaketak bilakatu dute hitzordua erreferentziazko urte hauetan guztietan. Eta aurtengoa ez da salbuespena izango!

Gainera, XVII. Umore Azokak inoiz baino eskaera gehiago jaso ditu. Aurtengo edizioan parte hartzeko 424 eskakizun egin dituzte 393 konpainiek. Horietatik 50 Euskal Herrikoak dira (%12), erdiak estatukoak (%53), eta gainontzekoak nazioartekoak (%35). Azken hauek 25 herrialdetatik etorritako eskakizunak izan dira: Frantzia, Italia, Erresuma Batua, Txekia, Japonia, Ameriketako Estatu Batuak, Kanada, Costa Rica edo Txiletik, besteak beste.

Azken urteetako joerari jarraiki ulertu liteke igoera hau. Konpainiek gero eta interes handiagoa dute Umore Azokan izateko, kale artistentzako hitzordu garrantzitsua bihurtu delako.

Datozen egunotan ezagutuko ditugu aurtengo Umore Azokarako hautatutako taldeak . Bien bitartean, maitagarri honek iragarriko du azoka.

KATEGORIAK: Albisteak, Arte eszenikoak, Bloga
Etiketak: ,
2016, otsailak 8

Iruzkindu


(*) Izartxoarekin markatutako eremuak nahitaez bete behar dira.

Flickr

Copyright © 2014 Kultur Leioa | LEGE OHARRA | DATUEN BABESA
Internet Explorer 8rako optimizatutako webgunea
KULTUR LEIOA Jose Ramon Aketxe Plaza, 11 - 48940 Leioa (Bizkaia)