Leioako Udalak, Kultura eta Gazteria Sailaren eskutik, “ETXEKO MUSIKAK” programa aurkezten du, Bizkaiko Foru Aldundiak antolatzen dituen Ondarearen Europako Jardunaldien barruan. Udalerriko eraikin historikoetatik doan ibilaldia, inguruko artisten musikarekin jantzia, kalitatezko musika, eragin anitzekoa, flamenko, jazz, musika latino eta folkarena kasu.

Antonio Zambujok bertan behera utzi du ostiral honetan Kultur Leioan eskaintzekoa zen kontzertua, arrazoi pertsonalak direla medio, Kultur Leioarekin zerikusirik ez dutenak.

Plazer bisual eta gastronomikoen azoka berriro heldu da Leioara. Aurten ere, artisautza, gastronomia eta zentzuen bitartez gozatzeko momentua heldu da, produktu desberdinak dastatuz eta artisau profesionalen lana, esfortzu eta mimo handiz burututakoa, ikusiz eta gozatuz, kalitatezko produktuak sortzeko helburua dutelarik.

Kultur Leioak 10 urte betetzen ditu, eta hau ospatzeko ekitaldi berezia izango dugu gaur ikusgai Errekalde plazan bertan.