Ostiral honetan, azaroak 25 (Auditorium, 21:00 h), “Musika con alma” zikloaren barruan ROCÍO MÁRQUEZ abeslaria izango dugu Kultur Leioan. Rocío Márquezek arrakastarako behar den guztia dauka: prestakuntza ona, miraritik gertu dagoen ahotsa eta urratsez urrats eraikitako karrera flamenkoaren arloan.

Etxeko gaztetxoenak poz pozik egongo dira. Kultur Leioak “Lehen aldia, haurtxoentzako arte eszenikoen zikloa” eskeiniko du asteburuan (azaroak 19-20). Lehenengo haurtzarorako bereziki pentsatutako eta sortutako programa. Eskeiniko diren bi ikuskizunak 4 urtetik beherako umeen beharrizan eta esperientzia sentsorialak kontutan hartuta sortu dira.

Ostiral honetan, azaroak 18 (Auditorium, 20:30 h), Artedrama, Dejabu eta Le Petit Théâtre de Pain euskal konpainiek FRANCOREN BILOBARI GUTUNA antzezlana eskeiniko dute Kultur Leioan. Ximun Fuchs-ek zuzenduta eta Unai Iturriaga eta Igor Elortzak idatzia, Frankismoak gure gizartean utzi dituen zauriei buruz aritzen da obra.

Igande honetan, azaroak 13 (Auditorium, 18:00 h), Marie de Jongh euskal konpainiak AMOUR antzezlana eskeiniko du Kultur Leioan. Familia osoari zuzendutako ikuskizun honek 2016ko FETEN (ikuskizun onenari) eta 2016ko ERCILLA (euskal produkzio onenari) sariak jaso ditu.