Kultur Leioak Gabonetan Antzokira zikloarekin agurtuko du 2020 urtea, umeei eta familiei zuzendutako zikloa. Euskarazko hiru emanaldi izango ditugu Kultur Leioako Auditoriumean 18:00tatik aurrera. Abenduaren 28an “Botadun katua” antzerki ikuskizuna izango dugu, Glu Glu Producciones konpainiaren eskutik. Abenduaren 29an “Bart non ote nintzen”aren txanda, Txirri, Mirri eta Txiribitonek sortua; eta abenduaren 30an “Kaskarot”, ATX Teatroa konpainiak eskeinita. Adin desberdinei zuzenduta eta disziplina anitz dituzten ikuskizunak, 2020 urteari senideekin batera agur beroa emateko aukera ezinhobea.