Hurrengo ostiralean, otsailak 16 (Auditorium, 21:00 h), Rodrigo Cuevas izango dugu Kultur Leioan. Abeslari, konpositore, akordeoi jotzaile eta perkusio jotzailea izateaz gain, folklorea astintzen duen artista ere bada. Erabateko artista.

Izan ere, bere izarrak distira populista du, kontrakulturaren errebalen artetik, eta benekotasunak edozein motatako iruzurrak agerian uzten dituelako. Asturiasetik mundurako egina da, eta bakarka egiten duen bigarren ikuskizuna da: “El mundo por montera”.

Mundu tradizional bat, landa eremukoa, eszentrikoa, baina baita hiri ingurukoa, kritikoa eta teknologikoa ere. Asturiasko kantu tradizionalak eta kabareta, dantzarako musikarekin trabestituta. Arreta pizteko dei sarkastikoa, zarzuela bufoko formatuan. Folklorea, musika herrikoia eta algarak, dena musika eta ahots talentudun lotsagabekeria apalarekin josia. Izar bat jaio da. Ez dadila bere argia itzali.