Liburuaren Eguna gutxi barru izango da. Kultur Leioak opari bat proposatzen dizue, dantza eta antzerkiz osaturiko liburua: ostiralean, apirilak 20, TEMPUS –i dantza ikuskizuna izango da, Anakrusa Euskal konpainiaren eskutik (20:30). Igandean, apirilak 22, EL BOSQUE DE GRIMM, adin guztietarako antzerkia, La Maquiné andaluziarren eskutik (18:00) eta astelehenean, apirilak 23, UNA PALABRA, ezohiko espazio batean burututako dantza ikuskizuna (improbizazio tailer eta sorkuntza prozesuari buruzko hitzaldi-solasaldia barne), La Permanente konpainiak eskeinia (19:00/20:30).

Udalerriko zein inguruetako artista gazteek, 14 eta 35 urte bitartekoek, udalerriko txoko guztiak hartuko dituzte maiatzaren 13an, orduan Udalak antolatutako Margolari Gazteen lehiaketa ospatuko bait delako.

Aste Santua pasa eta gero Aterpe Leioa Gazteguneak bere egitarau berria jarriko du martxan, apirilekoa hain zuzen ere. Zehazki 14 eta 35 urteko gazteei zuzendutako ekintza hauek bihar bertan hasiko dira eta maiatzera arte iraungo dute.

Leioan maiatzaren 17tik 20ra ospatuko den Umore Azokak bertan izango diren kultur sektore honetako profesionalentzat izena emateko epea ireki du. Ekimenak Europa eta Amerikako 45 konpainien 47 ikuskizun desberdin iragartzen ditu aurten, guztira 150 agerraldi eskainiz, eta bertan egoteko maiatzaren 4a orduko izena eman beharko dute.