2015 urtea ona izan da familientzat; etxeko txikienak protagonista gisa, kalitatezko askotariko ikuskizunak gozatu ahal izan dituzte Kultur Leioan. Datuek horixe adierazte dute: 2.300 ikusle baino gehiago hurbildu dira 2015 urtean zehar Kultur Leioan programatu diren urte bete eta 12 urte bitarteko haurrei eta beren familiei zuzendutako 15 ikuskizunetara (dantza, antzerkia, zirkua, multimedia, etab.).

Hurrengo ostiralean, urtarrilak 22 (Auditorium, 20:30 h), Bufalo Produkzioak konpainiak Unai Garatek zuzenduriko Síndrome de Estocolmo antzezlana eskeiniko du Kultur Leioan.

Kultur Leioak argitaratu berri du 2016ko hurrengo hilabeteotan eskainiko duen kultura programazioa biltzen duen agenda. Egitarau anitz, berri eta erakargarria, euskal agertoki aberatsa uztartu egiten duena Estatuan eta nazioartean maila nabarmena duten artista eta konpainiekin. Gero eta ezagun eta baloratuagoa den luxuzko programazioa Leioako eta gertuko herrietako biztanleen eskura.

Urtero legez, Leioako Udalaren Kultur Sailak hainbat ekintza burutu ditu Gabonetan, adin guztiei eta bereziki gaztetxoenei zuzendurikoak. Besteak beste, Errege Magoen eta Olentzeroren harrera, gaztain erreak, Gabonetako Umeen Parkea, edota Gabonetan Antzerkira zikloa izan ziren, guztiak arrakastatsu suertatuz.