Leioako udala
  • RSS Blog
  • Issuu
  • Flickr
  • Twitter
  • Facebook
  • Youtube

Kultur Leioan egiten diren jarduera guztien berri ematen du egunero. Utzi zure oharrak eta banatu zure gizarte-sareetan.

Umore Azoka Leioak Kaleko Artisten XVIII. Azokan parte hartuko duten 50 konpainiaren aukeraketaren berri eman duRSS Blog

Umore Azoka 2017

Umore Azoka Leioak, Leioako Udalak antolatutako Kaleko Artisten Azokak, aukeratu ditu dagoeneko maiatzaren 18tik 21era ospatuko den aurtengo edizioan parte hartuko duten 50 konpainiak. Lehiaketaren kudeaketa artistikoaren ardura duen Kultura Sailak, jasotako 500 proposamenen azterketa zorrotza egin du, azkenean, Euskal Herriko 22 konpainiak, Estatuko 20k eta atzerriko 8k parte hartuko duten egitaraua osatzeko.

Aurreko edizioetan bezala, programatutako ikuskizun gehienak estreinaldiak izango dira, sektore profesionalean, behintzat, eta Leioara doazen ikus-entzuleek, egungo kaleko arte panoramako konpainia garrantzitsuenetako batzuen orain arte ikusi gabeko proposamenak ikusteko aukera izango dute. Horrela, udalerriko kaleek erabateko 22 estreinaldi, kaleko 3 estreinaldi, estatu mailako 2 estreinaldi, aurre-estreinaldi bat eta “work in progress” bat jasoko dituzte.

Halaber, aurten ere, kaleko arte eszenikoen alorrean Euskadiko garrantzitsuena den lehiaketaren barruan, “Bertako Eszena” ekimena ere jasoko da. Ekimen horretan Leioako arte ordezkariek euren lekua izango dute. Bertako talentuaren aldeko apustua martxan jarriko den bigarren urtea izango da, iaz lortutako emaitza pozgarriak direla eta.

Guztira, Leioako aire zabaleko guneetan eta ohikoak ez diren lekuetan eskainiko diren 150 emanaldi baino gehiago izango dira, doako sarrerarekin eta ikus-entzule guztientzat egokiak diren diziplina anitzetan. Antzerkia, dantza eta zirku garaikidea izango dira, aurten ere, programazioaren ardatzak. Azpimarratzekoak izango dira diziplina anitzeko ikuskizunak eta mota guztietako generoak, musika, bertsolaritza, magia, clowna, piroteknia, multimedia, txotxongiloak eta automatak, eta baita fakirismoa ere.

Euskal Herriko 22 konpainiek 23 ikuskizun eskainiko dituzte, eta horien arteko 16 lehen aldiz ikusi ahal izango dira. Horrek finkatu egiten du Leioak gure herrialdeko kaleko sorkuntza lanen erakusleiho gisa betetzen duen lekua. Halaber, 20 konpainia etorriko dira Estatutik Leioara: Kataluniako 9 konpainia, Andaluziako 3, Gaztela Leongo 2 eta Gaztela-Mantxako, Madrilgo, Balear Uharteetako eta Murtziako bana, hain zuzen ere.

Nazioarteari dagokionez, kaleko arte eszenikoetan erreferentziazkoa den Frantzia izango da, aurten ere, konpainia gehien ekarriko dituena –lau, gehi Uruguairekin batera egindako ekoizpena–. Hungariatik, Herbehereetatik eta Suitzatik etorritako taldeak ere izango ditugu gure artean.

Aukeratutako konpainien zerrenda osoa ondorengoa da. Zerrenda horri buruzko xehetasun gehiago emango dira Azoka hasi aurretik:

Euskal konpainiak (EAE eta Iparralde)
Amaia Elizaran
Bilaka – Iparraldeko Koreografia Zentroa
Barré konpainia
Tornado konpainia
Trotamundos konpainia
Doos Colectivo
El Gran Rufus
El Mono Habitado
Ertza Dantza
Garazi&Cía
Haatik Dantza Konpainia
Hortzmuga Teatroa
Jaiotz Osa
Kukai Dantza & Brodas Bros
Lekittoko Deabruak
M.D.V.
Mugmus Laborategia
Shakti Olaizola
Teatro a La Boina
Tetes de Mules
Trapu Zaharra
Turukutupá

Estatuko konpainiak
Lanórdika (Andaluzia)
Marco Vargas & Chloé Brùlé (Andaluzia)
Zen del Sur (Andaluzia)
Karla Kracht & Andrés Beladiez (Gaztela-Mantxa)
El Puntillo Canalla (Gaztela – Leon)
Miguelillo (Gaztela – Leon)
Blocquilombo (Katalunia)
Cía. La Guàrdia Reial (Katalunia)
Cia Toti Toronell (Katalunia)
Cia. Cristina Solé (Katalunia)
ES (Katalunia)
Magí Serra (Katalunia)
María Villate (Katalunia)
Red Button (Katalunia)
The Opposite Hand (Katalunia)
Iker Karrera (Madril)
La Trócola Circ (Valentziako Erkidegoa)
Maduixa Teatre (Valentziako Erkidegoa)
Migrants (Balear Uharteak)
Nacho Vilar Producciones (Murtzia)

Nazioarteko konpainiak
Bazarnaüm Prod (Frantzia)
Claire Ducreux (Frantzia)
Madam Kanibal (Frantzia)
Pudding Théâtre (Frantzia)
La Malette (Frantzia/Uruguai)
Bandart Productions (Hungaria)
Cie. Concordance (Herbehereak)
Ici’bas (Suitza)

KATEGORIAK: Albisteak, Bloga
Etiketak: , ,
2017, otsailak 23

Iruzkindu


(*) Izartxoarekin markatutako eremuak nahitaez bete behar dira.

Flickr

Copyright © 2014 Kultur Leioa | LEGE OHARRA | DATUEN BABESA
Internet Explorer 8rako optimizatutako webgunea
KULTUR LEIOA Jose Ramon Aketxe Plaza, 11 - 48940 Leioa (Bizkaia)