Aterpe Leioa Gaztegunetik eskerrak eman nahi dizkizuegu Leioako XVI. Pop Rock Lehiaketa iragartzeko VII. Kartel Lehiaketan parte hartu duzuenontzat, eta nola ez, web gunetik zuen botoa eman duzuenontzat.

Aitor Oñederra “I said I would never talk about politics” lanarekin eta Igor Astibia, Ane Lusarreta eta Ander Pérez “Marroi argi bezala” lanarekin izan dira gaztelania eta euskarazko edizioen irabazleak, hurrenez hurren, Leioako Laburmetrai Lehiaketan. Argazki Lehiaketan, lehenengo saria Egoitz Maesok (Trapaga) lortu du, “La danza del boxeo: Round 3” izeneko lanarekin. Zuri-beltzezko atalean, saria José Ramón Luna de la Ossak (Cuenca) eraman du, “Teatro de lo humano” lanarekin.

Leioako Udaleko Kultura eta Gazteria Sailak, Leioako Merkatarien Elkartearekin batera, “Kultur Leioa – Info Puntua” ekimena abian jarri du. Leiho irekia Leioako biztanleentzat, beren erosketak egiteaz gainera, Kultur Leioan burutuko diren jardueren eta kultura egitarauaren inguruan informazioa jasotzeko.

Ostiral honetan, azaroak 27 (Auditorium. 21:00) “Musika… con alma” zikloaren barruan OREKA TX taldea izango dugu Kultur Leioan, SILEX bere azken lana aurkezten.