Kultur Leioan kokatuta dagoen udal Liburutegia berriz irekiko da larunbatetan, bihartik aurrera. Astelehenetik ostiralera, jaiegunak izan ezik, orain arteko ordutegia mantenduko du 9:00etatik 20:00etara, eta larunbatetan 10:00etatik 13:00etara izango da zabalik.

Carlos Lopez eta Antonio Vargas Montielek abian jarritako Zen del Sur konpainiak Heian ikuskizuna eskeiniko du Kultur Leioan hurrengo ostiralean, urtarrilak 29 (Auditorium, 20:30 h). Ikuskizun honek dantza garaikide akrobatikoa eta urbanoa, zirku teknikak, zuzeneko musika eta umorea uztartzen ditu eta gazte zein nagusiei zuzenduta dago.

Hurrengo igandean, urtarrilak 24 (Auditorium, 18:00 h), La Tartana Madrilgo konpainiak “El sueño del pequeño guerrero” ikuskizuna eskeiniko du Kultur Leioan.

2015 urtea ona izan da familientzat; etxeko txikienak protagonista gisa, kalitatezko askotariko ikuskizunak gozatu ahal izan dituzte Kultur Leioan. Datuek horixe adierazte dute: 2.300 ikusle baino gehiago hurbildu dira 2015 urtean zehar Kultur Leioan programatu diren urte bete eta 12 urte bitarteko haurrei eta beren familiei zuzendutako 15 ikuskizunetara (dantza, antzerkia, zirkua, multimedia, etab.).