Leioako udala
  • RSS Blog
  • Issuu
  • Flickr
  • Twitter
  • Facebook
  • Youtube

Kultur Leioak programazio ugari eta anitza eskaintzen du, besteak beste, arte eszenikoak, musika, zinea, erakusketak eta lehiaketak.

Moria RSS Blog

Moria

ANTZERKIA
Unahoramenos (Kanaria uharteak)

MORIAk jatorrizko herrialdeetatik ihes egitea beste erremediorik izan ez duten bi emakumezko errefuxiaturen eta haien familien istorioa kontatzen du. Moriako kanpamenduan grabatutako benetako lekuko­tzetan oinarritzen da dramaturgia, Nicolás Castellanoren gainbegiradapean. Castellano kazetari aditua da behartutako migrazio mugimenduetan eta giza eskubideetan.

Zohra Amiryarrek bere herrialdean, Afganistanen, lau bonbardaketa eta atentatutatik bizirik atera zen; horietako batean anaia galdu zuen, eta eraso horietako azkenekoan lau seme-alabak zauritu zituztela ikusi behar izan zuen, exodoari ekin aurretik, familiarentzako babes bila. Eta Douaa Alhavatemek, Irakeko hogeita hamar urteko gazteak, bere sorlekua utzi behar izan zuen, Bagdad, senarra desagertu ondoren, berak eta hiru seme-alabek zori bera izan zezaketelakoan. Bidaian, berak eta haurrek dena galdutzat eman zuten, itsas zabalean 11 orduz egon ondoren erreskate-ontzien seinalerik gabe. Bi emakumeak gaizki deitutako Moriako errefuxiatuen esparruan daude; Europako lurra zapaldu ostean inoiz imajinatuko ez zuketen sufrimendu etapa berri batean, uste baitzuten Europan seguru sentituko zirela azkenean.

* MAX SARIA. 2022an ekoizpen lanik onena.

ZUZENDARITZA: Mario Vega.
ANTZEZLEAK: Marta Viera, Ruth Sánchez, Saray Castro, Andrea Zoghbi.
DRAMATURGIA ESZENIKOA: Luis O‘Malley.
EKOIZPEN ZUZENDARITZA: Valentín Rodríguez.
GUNE ESZENIKOA: Mario Vega.
IRAUPENA: 45′.
ADINA: +16.

» Non: Auditorium
» Eguna: Otsailaren 3 eta 4an
» Ordutegia: 20:30ean
» Sarrera: 10 euro (leku mugatua)

INFORMAZIO GEHIAGO: www.unahoramenos.es



Iruzkindu


(*) Izartxoarekin markatutako eremuak nahitaez bete behar dira.

Agenda

Bloga

Kultur Leioak hasiera emango dio urteari 'Galerna' lanaren aurre-estreinaldiarekin

Kultur Leioak 2023ari hasiera emango dio proposamen erakargarri batekin, Loraldiaren eskutik; Galernaren aurre-estreinaldia, Leioa Kantika Koralak parte hartzen duen ikuskizun musikala da. Urtarrilaren 15ean, igandea, Leioako publikoak obra berezi honetaz gozatzeko aukera izango du.


2023, urtarrilak 10

Newsletter

sobre

Buletina jaso nahi baduzu sakatu hemen

Sarreren salmenta

Auditorio
Sarreren salmenta

Kontsultatu ordutegia leihatilan. Telefonoa. 94 607 25 70

Kultur Leioaren laguna izan

Auditorio
Lagunen zerbitzua

Gure herriaren kultur garapena bultzatzeaz gain, abantaila garrantzitsuak lortuko dituzu.

Copyright © 2014 Kultur Leioa | LEGE OHARRA | DATUEN BABESA
Internet Explorer 8rako optimizatutako webgunea
KULTUR LEIOA Jose Ramon Aketxe Plaza, 11 - 48940 Leioa (Bizkaia)