Hurrengo igandean, urtarrilak 14 (Auditorium, 18:00 h), Marie de Jongh Teatroa konpainiak “IZAR·ESTRELLA” antzezlana eskeiniko du Kultur Leioan. Izar sei urte eskaseko neskatoa da eta mundu mailako ospea lortuko duen piano jotzaile bihurtzekotan dago.

Gurasoek diziplina zorrotza aplikatzen diote, eta horri esker bere adinerako birtuosismo maila izugarria lortu du. Izar zoriontsua da, eta ez du hazi nahi. Baina gaizki hezitako neskatoaren bizitza apetatsu eta gorabeheratsuak beste destino bat eskainiko dio, espero gabeko labirinto emozionala biziko du, eta beste izar batek gidatuta baino ezingo du labirintotik atera; ez da edozein izar izango, gainera, baizik eta itsas izar bat. Hitzik gabeko familia osoari zuzendutako ikuskizuna, beti ere Marie de Jongh konpainiaren zigiluarekin.