XIV. Umore Azoka-Leioako Kaleko Artisten Azokak, mundu osoko konpainiak bidalitako 300 proposamen jaso ditu datozen maiatzaren 16an, 17an, 18an eta 19an ospatuko den edizioan parte hartzeko asmoarekin. Jasotako eskakizun guztiak egun hauetan burutzen ari den aukeratze prozesuan aztertuko dira eta guztira berrogeita hamar inguru aukeratutako dituzte antolatzaileek behin betiko egitaraua osatzeko.

Inauterien erdi-erdian egonik, eta nahiz eta eguraldiak atsedenik eman ez, leioaztarrek Aratuste jauna eta Garizuma andrea jaiaz gozatzen jarraitzen dute. Joan den ostiralean helduen mozorro lehiaketa egin zen. Banakakoen kategorian hamabi parte-hartzaile izan ziren, eta taldekoetan, berriz, zortzi.

Asteburu honetan urteko garairik zoro eta alaitsuena helduko da: inauteri garaia. Kolore biziak, arropa deigarriak eta mota guztietako apaingarri zein mozorroak ikusteko aukera izango dugu hurrengoko egunetan Leioan.

Jesus Lizasok, artista euskaldunak, Leioan aurkeztuko du gaur “Ortotropías” izeneko lan multzoa apirilaren 7ra arte Kultur Leioako erakusketa gelan izango dena ikusgai. Lan hauetariko batzuk Florentziako Bienalean aurkeztu zituen Lizasok eta, ondorioz, Urrezko domina jaso zuen. Orain, Euskal Herrian lehenengoko aldiz, Leioan ikusteko aukera izango dugu.