Aurten, 2015eko Leioako Umore Azokak (Kaleko artisten XVI. Azoka) bizarra eta pasta-betaurrekoak janzten ditu, eta hipster erara, kaleko arteekin duen konpromiso eta hurbiltasuna erakusten du. Maiatzaren 21etik 24ra, Umore Azokak bizitzeko beste modu bat aurkeztuko du: antzerkia, dantza, zirkua, pailazoak… kaleak bere egingo dituzte lau egun berezi horietan.

Tradizioari jarraituz, joan den otsailaren 4an, Leioako taldeek Agate Deunaren bezpera ospatu zuen, herriko kalez kale abesten. Nahiz eta eguraldi txarra izan, antolatzaileak oso balantze positiboa egin zuen.

Igande honetan, otsailak 15 (Auditorium, 18:00etan), Markeliñe euskal konpainiak Cervantes egilearen “Kixote” antzezlanaren moldaketa aurkezten du Kultur Leioan.

14 eta 35 urte bitartean badituzu eta disko bat baino gehiago ez duen talde batean jotzen baduzu, Leioako XV. Pop Rock Lehiaketa zure zain dago. Cd-ak martxoaren 31ra arte aurkeztu daitezke, eta pop rock edo metal modalitateetan parte hartu ahal izango duzu. Talde irabazleak 1.200 euroko saria lortuko du maila bakoitzean.