Leioako udala
  • RSS Blog
  • Issuu
  • Flickr
  • Twitter
  • Facebook
  • Youtube

Kultur Leioan egiten diren jarduera guztien berri ematen du egunero. Utzi zure oharrak eta banatu zure gizarte-sareetan.

Antzinako Egunerako, herritar guztien partaidetza bilatzen da aurtenRSS Blog

Antzinako Eguna dantzak

San Juan jaiak direla eta, Mugi Leioako Gazteak Elkarteak, Kultur Leioarekin elkarlanean, Antzinako Eguna antolatuko du laugarren urtez, ekainaren 12tik 14ra. Badira hainbat urte festa hau ospatzen denetik, eta aurten, Mugi LG elkarteak ekitaldi hau modu berritzailean antolatzea du helburu.

Elkartearen helburua leioaztar guztientzako aktibitate herrikoiak antolatzea da, eredu parte-hartzaile baten bitartez, Leioako elkarteak, herritarrak zein erakundeak ere antolatzaile eta kolaboratzaile bilakatuz.

Badira hiru urte Mugi Leioako Gazteak Elkarteak Antzinako Eguna antolatzen duenetik, eta emaitza positiboa izan da, batez ere Leioako gazte-koadrilen artean. Hala ere, aurten, aurrera pauso bat eman nahi dute, gazteak, txikiak eta helduek festa herrikoi honekin bat egin dezaten.

Aurten, asmo handiko proiektua aurkezten dute, adin tarte zabalago bati zuzendu nahi dizkiotelako jai honetako ekintzak, besteak beste, pintxo lehiaketa, Mus txapelketa, sukalkia, Bertsolaritza, Euskal Dantzak eta joko tradizionalak, umeentzako puzgarriak eta tailerrak, edo antzinako argazki erakusketa, betiere euskara kulturaren oinarri edukita.

Herritik herriarentzat eginiko jaiaren filosofiapean lanean jarraituz, Mugi Leioako Gazteak-ek deialdia zabaltzen du, gazte koadrilek edota mugimendu honetan parte hartu nahi duten orok euren proposamenak botatzeko, adin-tarte guztiei zuzenduriko jaiak izateko helburuarekin.

Egitaraua

KATEGORIAK: Albisteak, Bloga
Etiketak: , , ,
2015, ekainak 10

Iruzkindu


(*) Izartxoarekin markatutako eremuak nahitaez bete behar dira.

Flickr

Copyright © 2014 Kultur Leioa | LEGE OHARRA | DATUEN BABESA
Internet Explorer 8rako optimizatutako webgunea
KULTUR LEIOA Jose Ramon Aketxe Plaza, 11 - 48940 Leioa (Bizkaia)